راجعه تقولى وحشنى صوتك وحبيت بس اطمن عليه
دلوقتى حسيتى انك بتحبينى وغلطى فى حقى طب قوليلى بعد أيه
بعد حب سنين ماضاع وقلبك ما فى لحظه باع
لما خنتى ثقتى واخلاصى ونسيتى حبى واحساسى وقلبى جرحتى فيه
انا خلاص مقدرش اسامحك ولا بقيت حمل جرحك
ليه اقلّب فى الجرح القديم واسيبلك قلبى من تانى ليه
لسه هتقولى إنك بريئه وإن الانسان اللى خدعتيه هو نفسه اللى حبيتيه
طب حرام عليكى قلبه مش كفايه تخدعيه
ضيعتى بأديكى حًبه.. ودموعه دبلت على خده
وإنتى الوحيده اللى قدرتى تبكّى عنيه
لا سيبيه يطيب جراحه بلاش بالحب تانى تعشّميه
يعنى جزاء قلبى أنه حبك .. تكسريه
وانا اللى كنت فاكرك الوحيده اللى هتصونيه
وفى أول فرصه جتلك رميتى حبى وبأرخص ثمن بتبيعيه
ودلوقتى بتقولى وحشك صوتى وعايزة تسمعيه
لأ انسيه زي ما متأخر أفتكرتيه
لا كفايه قلبى مل ... من النهارده هلاقى حل .. أبعدى عن قلبى وارحميه
